"唐生大地震"

"唐生大地震"
如果唐英年話僭建地底皇宮係挑戰極限，網民創意就更加無極限。自從唐唐位於九龍塘約道5A同7號大宅被揭發地下有個2000呎豪華地庫後，網民就做到無停手，每個鐘推出最新惡搞改圖，全民facebook完全被唐唐攻陷！
 
圖:"唐生大地震"
唐唐惡搞圖攻陷fb
呢場僭建風波，適逢噚晚廣東地震，唔少港人亦話有震感，網民借題發揮，將錢鋼名著《唐山大地震》封面改為"唐生大地震"，仲話要搞徵文比賽，畀網民發揮無限創意，起首一句係﹕「無疑，唐生真是傻的。」
惡搞名著新聞相  搞徵文
噚日唔少傳媒租用吊臂車唐宅外高空拍攝，有記者行家形容係「九龍塘最新機動遊樂園」，咁多吊臂就好似「星際蜘蛛」咁；網民就將高達同哥斯拉等key落圖，又或搵變形金剛大黃蜂，搞到似足機械人準備進攻唐宅，像真度十足。

圖:"唐生大地震"
成個僭建工程最矚目莫過於係唐唐泳池底安裝兩個天窗，等佢地庫時可以望上去。呢個咁有創意構思，唔少網民都寫個服字，有人就將唐唐早前板間房被惡搞相，再惡搞成佢眼望泳池天窗。有網民笑言，唔怪得唐唐要「得咁直」，事關原來佢慣天花板有美女喎。
唐唐早前話過，從來都唔介意被惡搞，Emily就話係網民多謝佢就真，事關從今次事件睇，佢對本地二次創作真係好大貢獻！
"唐生大地震" 原文:唐唐惡搞圖攻陷fb